Eni Vasili heq kufizimin e moshës për Festivalin e Pranverës
Sunday 12 April 2026, 10:38
TiranaPost
Një reagim i artistes Ermira Babaliu ka ndezur diskutime në rrjet, duke rikthyer vëmendjen te pjesëmarrja e artistëve më të vjetër në skenë. Në statusin e saj, Babaliu ngriti pikëpyetje që u përkrahën dhe u debatua gjerësisht nga publiku.
Vetëm pak ditë më pas, drejtoresha e RTSH-së, Eni Vasili, dha një mesazh të qartë: festivali është i hapur për të gjithë, pa kufizim moshe.
Vasili është edhe ideatorja e rikthimit të Festivalit të Pranverës, një nismë që synon të risjellë një traditë të dashur të Radio Televizionit Publik shqiptar.
Pas më shumë se dy dekadash mungesë, Festivali i Pranverës rikthehet, duke premtuar një ndërthurje brezash dhe emocionesh në skenë.
Nëse jeni 40 vjeç e sipër dhe e kujtoni këtë festival:
Cilët janë artistët që ju vijnë ndër mend?
Kë do të donit të shihnit sërish në skenë?
