Frank Gehry, arkitekti i famshëm botëror, ndahet nga jeta në moshën 96-vjeçare
Saturday 6 December 2025, 09:15
TiranaPost
Frank Gehry, një nga arkitektët më vizionarë dhe më të ndikueshëm të epokës moderne, ka ndërruar jetë në banesën e tij në Santa Monica, pas një sëmundjeje të shkurtër respiratore. Ai ishte 96 vjeç.
Gehry njihej për stilin e tij skulpturor dhe imagjinativ, që solli në jetë disa prej ndërtesave më ikonike në botë, si Muzeu Guggenheim në Bilbao, Salla e Koncerteve Walt Disney në Los Anxhelos dhe ndërtesa DZ Bank në Berlin. Për krijimtarinë e tij, ai u nderua me çmime prestigjioze, përfshirë Pritzker Prize dhe RIBA Gold Medal.
Megjithëse i vlerësuar gjerësisht, veprat e tij shpesh ngjallën debat për qasjen dramatike dhe teatrale. Projekte të njohura, si Memoriali Eisenhower, u shoqëruan me polemika të shumta. Sidoqoftë, Gehry mbeti aktiv deri vonë, duke përfunduar ndërtesa të rëndësishme si IAC Building dhe kulla 76-katëshe “New York by Gehry”.
Frank Gehry lë pas një trashëgimi që ka transformuar arkitekturën bashkëkohore.
