FMN: Ekonomia e Ukrainës do të tkurret me 10% për shkak të pushtimit të Rusisë
Monday 14 March 2022, 21:42
TiranaPost
Ekonomia e Ukrainës do të tkurret me 10% këtë vit si rezultat i pushtimit të Rusisë, por perspektiva mund të përkeqësohet ndjeshëm nëse konflikti vazhdon, thotë Fondi Monetar Ndërkombëtar (FMN) në një raport të sapopublikuar.
Raporti, i përgatitur përpara miratimit të FMN-së prej 1.4 miliardë dollarësh (1.1 miliardë £) financim emergjent për Ukrainën, paralajmëron se prodhimi ekonomik i vendit mund të tkurret me 25% në 35%, bazuar në të dhënat e PBB-së nga Iraku, Libani dhe vendet e tjera në luftë.
Ivanna Vladkova Hollar, shefe e misionit të FMN-së për Ukrainën, tha se autoritetet ukrainase po bënin "një përpjekje të jashtëzakonshme" për të ruajtur ekonominë dhe sistemin financiar të vendit përballë luftës.
