Nike injoroi një email… dhe humbi atletin më të mirë të të gjitha kohërave
Tuesday 9 December 2025, 11:59
TiranaPost
Në vitin 2005, Lionel Messi ishte vetëm 18 vjeç. Ai po shkëlqente me Barcelonën. Prej 4 vitesh përdorte këpucë Nike. Në fakt, e ardhmja e një superylli si ai ishte në dorën e tyre. Por Nike e humbi… dhe e humbi në mënyrën më idjote.
Babai i Messit, Jorge, nuk kërkonte miliona. Ai thjesht donte një bisedë të zakonshme për një sponsorizim: disa produkte, pak vëmendje, një telefonatë mbrapsht. Por Nike nuk u përgjigj kurrë. Email-et mbetën pa përgjigje, telefonatat u injoruan.
Ndërkohë, Adidas i dha vëmendje. Ata panë një magjistar 18-vjeçar. Vepruan shpejt: dërguan pajisje, përfaqësues, treguan besim. Bënë që Messi të ndihej i çmuar, edhe para se të bëhej Messi™.
Në vitin 2006, marrëveshja u finalizua. Messi kaloi tek Adidas, përgjithmonë. Nike nuk e humbi për shkak të parave. E humbi për shkak të pakujdesisë.
Pastaj erdhën triumfet:
• 8 Topa të Artë
• Më shumë se 800 gola në karrierë
• 4 Champions League
• 1 Kupë Botërore
Çdo moment i veçantë, çdo moment viral, çdo foto? Të gjitha me këpucë Adidas.
Çfarë humbi Nike? Një mundësi për branding prej 10 miliardë dollarësh. Messi nuk ishte thjesht një atlet, ai u bë një fenomen global, dhe Adidas zotëronte “altarët”.
Edhe më keq: ai la nën hije Yjet e Nike: Cristiano Ronaldon, Neymar, Mbappé. Nike pagoi superyjet, por Messi ia vodhi gjithë vëmendjen.
Në 2022, Adidas i rinovoi Messit kontratën për gjithë jetën. Ndërkohë, ekzekutivët e Nike ende bëjnë sikur kjo nuk ka qenë gabimi më i madh në historinë e marketingut sportiv.
Ky nuk ishte dështim i produktit. Ishte dështim vëmendjeje. Një email i injoruar, një përfaqësues dembel, një moment i humbur që kushtoi miliarda.
