Evente

Nis 'Java e Kulturës Britanike' në Tiranë 

Nis 'Java e Kulturës Britanike' në Tiranë

Një ndeshje kriketi mes stafit të Bashkisë së Tiranës dhe Ambasadës Britanike shënoi dje nisjen e “Javës Britanike”. Në 100-vjetorin e marrëdhënieve mes Mbretërisë së Bashkuar dhe Shqipërisë, do të organizohen një sërë aktivitetesh në kulturë, arti, muzikë dhe sport, që do të kulmojnë me koncertin e Rita Orës, në 6 shtator.

Nis 'Java e Kulturës Britanike' në Tiranë

I shoqëruar nga ambasadori britanik në Tiranë, Alastair King-Smith dhe kampioni i botës në boks Florian Marku, kreu i Bashkisë së Tiranës, Erion Veliaj deklaroi se sporti ka fuqinë e bashkimit mes popujve.

Nis 'Java e Kulturës Britanike' në Tiranë

“Anglia promovon në mënyrë të jashtëzakonshme shumë sporte, jo vetëm futbollin apo boksin, kriketin, sepse sporti bashkon njerëzit. Me sport është mënyra e mirë sesi e nisim këtë javë të bashkimit, të bashkëpunimit, të vëllazërisë që kemi me Britaninë e Madhe, një vend që ka qenë gjithmonë aleati ynë, ka qenë gjithmonë një fans i yni, ka qenë aty në ditët tona të vështira, qofshin këto ditët e vështira të Luftës së Dytë Botërore, qofshin këto ditët e vështira gjatë eksodit të Luftës në Kosovë”, u shpreh Veliaj.

Nis 'Java e Kulturës Britanike' në Tiranë

Ndërkaq, në sheshin “Skënderbej” ka nisur puna për ngritjen e skenës për koncertin e Rita Orës. Koncerti do të mbahet në mbrëmjen e 6 shtatorit dhe hyrja do të jetë falas për të gjithë.

Nis 'Java e Kulturës Britanike' në Tiranë

“Skena mbrapa po përgatitet për një tjetër sukses shqiptaro-britanik: Rita Ora. Ndërkohë, sapo mbyllëm një fundjavë fantastike me “Sunny Hill Festival”, me Dukagjinin dhe familjen Lipa”, shtoi më tej Veliaj.

Nis 'Java e Kulturës Britanike' në Tiranë

Ambasadori Britanik tha se “Java Britanike” do të vijë me një sërë aktivitetesh të ndryshme, të cilat nisin në Tiranë për t’u shtrirë më pas në të gjithë Shqipërinë.

Nis 'Java e Kulturës Britanike' në Tiranë

“Është një kënaqësi që të jem në qendër të Tiranës , në qendër të Shqipërisë, në sheshin "Skëndebej", për të lançuar “Javën Britanike 2022” dhe kjo do të jetë java kulturore ku ne do të festojmë të gjithë aspektet e kulturë mes Britanisë dhe Shqipërisë”, nënvizoi ambasadori Alastair King-Smith.