Cila janë trendet e kësaj vere dhe ku mund t`i gjeni?
E Enjte 24 Shkurt 2022, 10:35
Tiranapost
Nga Emi Seiti/ Tendencat e modës pranverë-verë 2022, gjithcka që duhet të dimë se si do vishemi në sezonin e ardhshëm të nxehtë, sepse vera siç dhe ju e dini, është e vetmja gjë që po presim me padurim.
Çfarë do të jetë në modë në vitin 2022? Ngjyra, stile, elementë të domosdoshëm, kombinime: sfilatat e modës Pranverë- Verë 2022, të organizuara në pasarela shtatorin e kaluar, përshkruanin me saktësi veshjet e sezonit të ri.
Do të keni një gardërobë shumëngjyrëshe, argëtuese dhe herë pas here të ekzagjeruar, veshje sportive dhe detaje të guximshme, të prera, ngjyra, teminat pastel etj.
Detaji me të prerë: Fustanet dhe bluzat me prerje janë një nga tendencat më të forta për këtë pranverë-verë 2022. Alberta Ferreti, Nensi Dojaka, Roberto Cavalli… nuk ka një stilist që të mos ketë propozuar fustane me prerje hiper seksi.
Minifundet: I shkurtër ose shumë i shkurtër, në të gjitha versionet e mundshme. Minifundet e pranverë- verës 2022 synojnë të zbulojnë sa shumë këmbët.
Teminat: Le të shkëlqejmë përsëri. Ditën dhe natën teminat janë protagonistet e looku-t të pranverës dhe verës së 2022-shit.
E verdha pastel: Ndër ngjyrat e modës pranverë-verë 2022, le të bëhemi gati të vishemi me të verdhën pastel. Një ngjyrë e lehtë dhe e bukur, perfekte për pamjet verore, e dalluar nga të gjitha pasarelat, nga Salvatore Ferragamo deri tek Max Mara.
Top bandeau: E sipërmja më e lezetshme e pranverës dhe verës të këtij viti. Mund të kombinohet me çdo veshje, është e domosdoshme.
Tiranapost.al
