Adoleshenti që gjurmonte Elon Musk tani ndjek avionët privatë të oligarkëve rusë
E Mërkurë 2 Mars 2022, 16:30
TiranaPost
Jack Sweeney, adoleshenti nga Florida që gjurmoi avionin privat të Elon Musk në internet, ka një objektiv të ri: oligarkët rusë dhe miliarderët.
19-vjeçari, i cili refuzoi ofertën prej 5,000 dollarësh të Musk për të fshirë llogarinë e tij në Twitter, kohët e fundit, pas pushtimit rus të Ukrainës lançoi dy pajisje të reja të automatizuara - @RUOligarchJets dhe @Putinjet. Të dy profilet së bashku kanë afro 300,000 ndjekës dhe ofrojnë përditësime pothuajse të drejtpërdrejta të lëvizjeve të avionëve privatë të oligarkëve rusë së bashku me fotografitë e hartave që i lokalizojnë.
Sweeney tha për Wall Street Journal se njerëzit prej kohësh i kërkonin të hapte një llogari të tillë në Twitter, dhe këto kërkesa u rritën pasi sanksionet e BE dhe Amerikës vunë në shënjestër më të pasurit e Rusisë.
Oligarkët rusë përballen me kaos ekonomik në vendine tyre dhe sanksione nga Perëndimi pasi Presidenti Vladimir Putin urdhëroi trupat e tij të sulmonin në Ukrainë.
"Aeroplanët që kanë këta oligarkë janë një çmenduri," tha Sweeney në një intervistë me Bloomberg. Më të pasurit e vendit udhëtojnë me avionë të përmasave komerciale si Airbus A319 dhe Boeing 737.
"Aeroplanët e tyre janë shumë të mëdhenj në krahasim me avionët e tjerë," tha ai.
