Katalonja mbyll kufijtë: Askush s’mund të hyjë apo të dalë
E Enjte 29 Tetor 2020, 18:53
TiranaPost
Rajoni i Katalonjës në Spanjë ka mbyllur kufijtë për 15 ditë, për të parandaluar përhapjen e Covid. Sipas rregullit të ri, nuk lejohet të hyjë apo të dalë asnjë qytetar, si dhe gjatë kësaj periudhë do të mbyllen edhe baret e restorantet.
Ky vendim erdhi katër ditë pasi kryeministri spanjoll, Pedro Sanches, shpalli gjendjen e jashtëzakonshme dhe vendosi mbylljen e aktiviteteve gjatë natës, orare për ndalim qarkullimin dhe udhëtimin mes rajoneve të ndryshme në disa raste.
Rregullat e reja hynë në fuqi mbrëmjen e 25 tetorit dhe aplikohen për të gjitha rajonet, përveç Ishujve Kanare.
