Ky është shteti europian që kërkon ‘pasaportë imuniteti’ ndaj Covid për të shkuar, por çfarë do të thotë kjo?
Monday 7 December 2020, 13:52
TiranaPost
Me milje tela me gjemba në kufi dhe rrethime elektrike, Hungaria është shteti që e ka vërtetuar armiqësinë ndaj emigrantëve, duke u konsideruar edhe si vendi jo dhe aq miqësor për turistët e huaj. Ndërsa në situatë pandemie si tani, Hungaria ka mbyllur dyert pothuaj për të gjithë, edhe për fqinjët europianë: Por përveç atyre që kanë kaluar koronavirusin!
Policia e shteti hungarez ku turistët mund të hyjnë nëse vërtetojnë se e kaluar koronavirusin, të paktën në gjashtë muajt e fundit, hyri në fuqi që nga fillimi i shtatorit. E vetmja gjë që u kërkohet në situatën e virusit është testi që tregon pozitiv dhe testi tjetër i negativizimit, ose testi që dëshmon se e ke kaluar virusin në 6 muajt e fundit.
Islanda është vendi i dytë që po mendon të vërë në zbatim një politikë të ngjashme duke filluar nga java e ardhshme, dhe kjo bën që turistët që shkelin në Islandë të mos mbajnë as maskën.
Ekspertët i quajnë këto lloj politikash një lloj "pasaporte imuniteti".
Por, a u jep imunitet mposhtja e virusit? Provat e deritanishme sugjerojnë se për shumicën e njerëzve, po.
"Sigurisht që është teorikisht e mundur që disa njerëz edhe pse kanë antitrupa të mund të mos mbrohen", thotë Doktoreshë Ania Ëajnberg për CNN jashtë laboratorit të saj në Shkollën e Mjekësisë Icahn të Spitalit Mount Sinai në Nju Jork e cila shton:
"Por unë mendoj se shumica e njerëzve që rezultojnë pozitivë dhe me antitrupa do të mbrohen për ca kohë."
Kështu që rreziku që një turist të shkojë në Hungari dhe të riinfektohet është i pakët.
Doktoresha thotë se kjo mund të jetë një metodë për të rihapur aspektin social dhe të lejohen udhëtimet për qëllime turistike dhe biznesi.
*Artikulli i marrë nga CNN, përkthyer dhe përshtatur në shqip nga Tiranapost.al.
