Çmimi i naftës amerikane rritet mbi 102 dollarë për herë të parë që nga viti 2014
E Martë 1 Mars 2022, 17:33
TiranaPost
Çmimet e naftës në SHBA u rritën me 7% ditën e sotme, mbi 102 dollarë për fuçi për herë të parë në më shumë se shtatë vjet.
Edhe pse zyrtarët e energjisë në mbarë botën janë afër një marrëveshjeje për lirimin e rezervave emergjente të naftës, çmimet po rriten ndjeshëm.
Nafta e papërpunuar amerikane u rrit me 6% dhe për pak kohë arriti në 102 dollarë për fuçi për herë të parë që nga korriku 2014. Nafta e papërpunuar Brent u rrit me rreth 7% në 104.37 dollarë për fuçi, duke shënuar nivelin më të lartë të rritjes brenda ditës.
Edhe pse çlirimi i koordinuar i rezervave të naftës mund të jetë i pashmangshëm, tregu mori sinjale të reja se OPEC dhe aleatët e tij nuk po vijnë në shpëtim. Pavarësisht presionit për të rritur prodhimin, kabineti i Arabisë Saudite rikonfirmoi angazhimin ndaj marrëveshjes OPEC +, një pakt që kërkon rritje modeste të prodhimit, sipas një deklarate nga agjencia shtetërore saudite e lajmeve.
