Parlamenti Evropian do të miratojë rezolutën për t’i dhënë Ukrainës statusin kandidat në BE
E Hënë 28 Shkurt 2022, 19:58
TiranaPost
Parlamenti Evropian do të miratojë një rezolutë ditën e nesërme duke u bërë thirrje institucioneve të BE-së të punojnë drejt dhënies së statusit të kandidatit Ukrainës dhe ndërkohë të vazhdojnë të punojnë drejt integrimit në tregun e përbashkët të BE-së.
Thirrja nga eurodeputetët pason nënshkrimin e aplikimit për anëtarësim në BE të presidentit Volodymyr Zelenskiy. Letra e aplikimit i është shkruar presidentit të këshillit të BE-së, i cili aktualisht mbahet nga Franca.
Shtetet anëtare, parlamenti evropian dhe parlamentet kombëtare më pas informohen për aplikimin nga këshilli.
Një takim i 27 ministrave të çështjeve të BE-së, i njohur si këshilli i punëve të përgjithshme, duhet të marrë një vendim për të kërkuar zyrtarisht opinionin e Komisionit Evropian për aplikimin.
Normalisht duhen 15 deri në 18 muaj që komisioni të japë opinionin e tij, megjithëse kjo periudhë mund të shkurtohet ndjeshëm "në varësi të konsideratave politike", tha zyrtari.
Ekziston një periudhë e para-anëtarësimit me kohëzgjatje të ndryshme, gjatë së cilës vendi kandidat përshtat institucionet, standardet dhe infrastrukturën e tij për të përmbushur detyrimet si shtet anëtar. Procesi i anëtarësimit përfshin respektimin e kritereve të anëtarësimit duke përfshirë miratimin dhe zbatimin e ligjit të BE-së.
