Presidenti ukrainas: Forcat ruse drejt kontrollit të centralit bërthamor të Çernobilit
E Enjte 24 Shkurt 2022, 17:32
TiranaPost
Presidenti ukrainas Volodymyr Zelensky ka shkruar në Twitter se forcat ruse po përpiqen të marrin kontrollin e centralit bërthamor të Çernobilit.
“Forcat pushtuese ruse po përpiqen të marrin kontrollin e Centralit Bërthamor të Chernobilit. Mbrojtësit tanë po sakrifikojnë jetën e tyre që tragjedia e vitit 1986 të mos përsëritet. Kjo është një shpallje lufte kundër gjithë Evropës.”, shkroi Zelensky në Twitter.
Russian occupation forces are trying to seize the #Chornobyl_NPP. Our defenders are giving their lives so that the tragedy of 1986 will not be repeated. Reported this to @SwedishPM. This is a declaration of war against the whole of Europe.
— Володимир Зеленський (@ZelenskyyUa) February 24, 2022
Zëvendësministri i Brendshëm i Ukrainës, Anton Gerashchenko shprehu shqetësimin se artileria mund të godiste reaktorin nëse luftimet do t'i afroheshin atij, duke shkaktuar përhapjen e pluhurit bërthamor radioaktiv në rajon.
Shpërthimi në centralin bërthamor të Çernobilit 36 vjet më parë konsiderohet si tragjedia më e madhe bërthamore në historinë e njerëzimit, jo vetëm për shkak të numrit të të vdekurve, por edhe pasojat e rënda që la më pas.
