Ka filluar raundi i dytë i bisedimeve Ukrainë-Rusi
E Enjte 3 Mars 2022, 12:40
TiranaPost
Bisedimet midis delegacioneve ruse dhe ukrainase kanë filluar.
CNN raporton që delegacioni ukrainas dhe ai rus shtrënguan duart përpara se të uleshin për të filluar bisedimet e tyre. Ky është raundi i dytë i bisedimeve.
Këshilltari presidencial ukrainas Mykhailo Podolyak shkroi në Twitter:
"Po fillojmë bisedimet me përfaqësuesit rusë. Çështjet kryesore në axhendë:
1. Armëpushimi i menjëhershëm
2. Korridoret humanitare për evakuimin e civilëve nga fshatrat/qytetet e shkatërruara apo të granatuara vazhdimisht”.
Pozicioni negociator i Rusisë - sipas ministrit të Jashtëm të vendit Sergej Lavrov - është:
Ukraina duhet të "çmilitarizohet" dhe "denazizohet"
Krimea - gadishulli jugor i Ukrainës i aneksuar nga Moska në 2014 - të njihet nga Kievi si pjesë e Rusisë
Dy rajone separatiste në Ukrainën lindore - e vetëshpallur Republika Popullore e Donetskut dhe Republika Popullore e Luhanskut - të njihen zyrtarisht
Zyrtarët do të takohen në rajonin e Brestit të Bjellorusisë, u tha më herët gazetarëve Vladimir Medinsky, një këshilltar i presidentit rus, Vladimir Putin që është edhe kreu i delegacionit rus.
Raundi i parë i bisedimeve u mbajt ditën e hënë, pranë kufirit të Ukrainës me Bjellorusinë.
Takimi zgjati përreth 5 orë e disa minuta.
