Joe Biden kalon në epërsi me votën elektorale! Numërimi vijon në 8 vende
E Mërkurë 4 Nëntor 2020, 16:57
TiranaPost
Vijon prej orësh procesi i numërimit të votave dhe kandidati demokrat Joe Biden është në epërsi me votën elektorale. Janë 8 shtete ku po vijon numërimi dhe duket se do jenë ato që do përcaktojnë edhe fituesin.
Ethet e para i ka shfaqur presidenti aktual që kërkon një mandat të dytë qeverisës, Donald Trump, i cili shpreh dyshimet për procesin e numërimit kur thotë se është e çuditshme që një natë më parë kishte epërsi në shtetet kyçe, ndërsa tani: Votat zhduken si më magji.
Ndërsa Joe Biden me qetësi po pret rezultatin e zgjedhjeve, reagimi i fundit ishte kur tha se: Jemi në situatë të mirë, ndihem shumë mirë!
Trump ka paralajmëruar se do ti drejtohet gjykatës Federale lidhur me dyshimet e tij.
Po rezultatet çfarë tregojnë deri më tani?
Joe Biden ka marrë deri më tani 238 vota elektorale: përkatësisht 69,569,916 vota ose (50.1%)
Ndërsa Donald Trump ka marrë deri më tani 213 vota elektorale, përkatësisht: 67,052,591 vota ose (48.3%)
Janë 9 shtete që ende është vështirë të përcaktohet fituesi. Shtetet janë: Xhorxhia, Karolina e Veriut, Pensilvania, Miçigan, Uiskonsin, Mejn, Arizona, Nevada dhe Alaska.
Si janë votimet deri më tani? Shih hartën sipas vendeve dhe votimeve:
Xhorxhia, kryeson Trump
Karolina e Veriut, kryson Trump
Pensilvania, kryeson Trump
Miçigan, kryeson Joe Biden
Uiskonsin, kryeson Joe Biden
Mejn, kryeson Joe Biden
Arizona, kryeson Joe Biden
Nevada, kryeson Joe Biden
Alaska, kryeson Donald Trump
Të dhënat i referohen hartës së përditësuar nga Fax News.
