Rusia vendos sanksione ndaj presidentit amerikan Joe Biden dhe Sekretarit të Shtetit Antony Blinken
Tuesday 15 March 2022, 16:07
TiranaPost
Rusia ka vendosur sanksione kundër presidentit amerikan Joe Biden, Sekretarit të Shtetit Antony Blinken dhe disa zyrtarëve të tjerë amerikanë. Lajmi u bë i ditur nga Ministria e Jashtme ruse në një deklaratë ku thuhet se atyre u është ndaluar hyrja në vend.
“Në përgjigje të një sërë sanksionesh të paprecedentë… nga 15 marsi i këtij viti, 'lista e ndalimit' ruse përfshin në bazë të reciprocitetit Presidentin J. Biden, Sekretarin e Shtetit A. Blinken, Sekretarin e Mbrojtjes L. Austin dhe Kryetarin e Shefat e Përbashkët të Shtabit M. Milley, si dhe një numër shefash departamentesh dhe figura të njohura amerikane”, thuhet në deklaratë.
Pas 24 shkurtit kur nisi pushtimi i Ukrainës, Europa dhe SHBA kanë vendosur vazhdimisht sanksione ekonomike ndaj Rusisë. Ndërsa Kremlini ka shpallur shtete jo miqësore vendet që kanë vendosur sanksione ndaj saj. Është hera e parë që i vendosen sanksione një zyrtari nga ana e Rusisë.
