Trump dyshon tek rezultati deri tani i zgjedhjeve: Mbrëmë kryesoja unë, tani votat po zhduken si me magji
E Mërkurë 4 Nëntor 2020, 16:31
TiranaPost
Joe Biden deri më tani po kryeson në zgjedhjet presidenciale amerikane, duke marrë vota të konsiderueshme edhe në zonat që njihen si pro-Trump. Kjo gjë për Trump duket e çuditshme. Në një postim të fundit në Twitter ai shkruan se natën e kaluar po kryesonte në shtetet kyçe, ndërsa tani votat pro tij filluan të zhdukeshin si me magji.
Lexoni statusin e plotë të Donald Trump, i cili kërkon mandatin e dytë në këto zgjedhje:
Natën e kaluar une po kryesoja në mënyrë solide, në shumë shtete kryesore ku kanë drjetuar dhe kontrolluar demokratët. Pastaj, një nga një ata filluan të zhdukeshin si me magji. Shumë e çuditshme.
A është ky një sinjal humbjeje nga Donald Trump?
Edhe më herët presidenti aktual tha se do i drejtohej Gjykatës Supreme, duke denoncuar vijimin e votimit edhe pse orari zyrtar i procesit të votimit kishte përfunduar. Madje Trump shtoi se kishte pasur përpjekje për manipulime votash.
