Turqia pengon hyrjen e 4 anijeve luftarake ruse në Detin e Zi
E Mërkurë 2 Mars 2022, 09:26
TiranaPost
Rusia anuloi dërgimin e anijeve luftarake përmes ujërave turke në Detin e Zi me kërkesë të Turqisë, deklaroi ministri i Jashtëm turk Mevlut Cavusoglu, duke shtuar se vendimi ishte marrë përpara se Ankaraja të mbyllte ngushticat për pushtimin e Ukrainës nga Moska.
Aleati i NATO-s, Turqia kufizohet me Ukrainën dhe Rusinë në Detin e Zi dhe ka lidhje të mira me të dyja shtetet. Të hënën, Ankaraja tha se kishte mbyllur ngushticat e saj të Bosforit dhe Dardaneleve sipas një pakti të vitit 1936, që e lejonte atë të frenonte kalimin e disa anijeve ruse. Pakti përjashton anijet që kthehen në bazat e tyre.
"Ne i thamë Rusisë të mos i dërgonte këto anije dhe Rusia tha se anijet nuk do të kalonin ngushticat."
"Askush nuk duhet të ofendohet nga kjo, sepse Konventa e Montreux është e vlefshme sot, dje dhe nesër, kështu që ne do ta zbatojmë atë," tha ai.
Reuters raportoi se të paktën katër anije ruse - dy destrojer, një fregatë dhe një anije inteligjence - po prisnin vendimin e Turqisë për të kaluar nga Mesdheu.
Shtetet e Bashkuara "shprehën vlerësimin" për lëvizjen e Turqisë për të mbyllur ngushticat. Ambasadori i Ukrainës në Ankara tha se Kievi ishte "mirënjohës" ndaj Turqisë për zbatimin "me përpikëri" të paktit.
