Ukraina pretendon se ka vrarë më shumë se 5000 ushtarë rusë
E Hënë 28 Shkurt 2022, 12:16
TiranaPost
Ministria e Mbrojtjes e Kievit pretendon se më shumë se 5000 ushtarë rusë janë vrarë në katër ditët e para të luftimeve në Ukrainë.
Në një deklaratë të postuar në Facebook, zyrtarët ukrainas thanë se rreth 5,300 trupa ruse janë vrarë dhe pretenduan se 191 tanke, 29 avionë luftarakë, 29 helikopterë dhe 816 transportues të personelit të blinduar janë shkatërruar nga forcat e Ukrainës.
Ende nuk është bërë e mundur të verifikohen këto pretendime. Ministria e Mbrojtjes e Mbretërisë së Bashkuar ka deklaruar më herët se Rusia ka marrë viktima "të rënda" në fazat fillestare të konfliktit.
Ndërkohë, vëzhguesit e OKB-së thanë se kishin konfirmuar të paktën 94 vdekje të civilëve gjatë ditëve të para të luftimeve.
Tiranapost.al
