A mund t`ia japim yllin e Venecias, Kasia Smutniak, që shkëlqen gjithmonë edhe pse vesh vetëm të zeza
E Hënë 2 Shtator 2024, 13:34
TiranaPost
Nuk është sekret që Kasia Smutniak është adhuruese e total black, ose thënë shqip, kokë e këmbë me të zeza.
Mbrëmjen e djeshme në Festivalin e Venecias zgjodhi Gucci-n. Një e çarë e fustanit të zi, në kurriz, i zbuloi tatuazhin elegant. Për të kompletuar pamjen vendosi një byzylyk.
Po kush është Kasia Smutniak për ata që ndoshta ende nuk e njohin?
Emri i saj real është Katarzyna Anna 'Kasia' Smutniak. Kasia ka lidnur në 13 gusht të 1979-ës dhe është një aktore polake-italiane.
Ka lindur në Pila, Poloni. Babai i saj, gjeneral brigade Zenon Smutniak, është një pilot ushtarak dhe ka shërbyer në Forcat Ajrore Polake. Ndaj, në moshën 16-vjeçare, ajo mori patentën si pilote. Nëna e saj është infermiere.
Kasia ka një vajzë, Sophie, që e ka sjellë në jetë në vitin 2004 me aktorin italian Pietro Taricone, i cili vdiq në një aksident në 2010-ën. Ka gjithashtu edhe një djalë, Leonen, me producentin italian të filmave Domenico Procaçi. Pas lindjes së djalit, çifti u martua.
Përveç polonishtes, Smutniak flet rrjedhshëm rusisht, anglisht dhe italisht.
