5 mënyra si të veshësh një jelek edhe në verë
Në çdo javë mode, si në Paris, Milano, New York ose Londër, nuk mungojnë veshjet e bukura me jelekë. Zakonisht janë pjesë e një kostumi me xhaketë dhe pantallona. Por vishen dhe me funde, si stili që sjell Ralph Lauren, ose Vera Wang.
Po në verë? Si t’i veshim?
Jelekët stofi ndoshta nuk janë të përshtatshëm, sidomos paradite. Por ka disa marifete se si të kombinohesh mirë e bukur edhe kur bën vapë.
1- Tomboyish
Me pantallona të shkurta, pak a shumë me prerje mashkullore. Dukesh shumë me stil, madje mund të shkosh edhe në punë me to.
2- Me pantallona flared
Kjo veshje më kujton pushimet dhe luksin e Yachts. Dukesh e veshur thuajse për çdo lloj eventi veror.
3- Minus xhaketë
Mund ta kombinosh jelekun e preferuar si francezet. Me pantallonat përkatëse, ose dhe një nuancë të ngjashme. Për detaje shtoji dhe spilë.
4- Me fustan
Mund ta veshësh edhe mbi fustanin e vogël të zi! Një nga kombinimet më të përshtatshme për takime biznesi, mbledhje ose prezantime para auditorit.
5- Smart/casual
Me xhinse është dhe moda! Provoni dizajne të reja, si ato palazzo ose kaush.
Tiranapost.al