Jozefina Topalli për raportin e IT mbi korrupsionin: Nuk luftohet nga ata që e kanë kthyer mjet pasurimi për veten e familjet
E Mërkurë 16 Dhjetor 2020, 21:08
TiranaPost
Që pas regjistrimit si parti të 'Lëvizjes për Ndryshim', Jozefina Topalli, ish numri dy i Partisë Demkratike është më aktive se kurrë në çështjet aktuale e politike të vendit. Duke komentuar raportin e Transparencës Ndërkombëtare që flet për riskun e lartë të korrupsionit në Shqipëri dhe gjithë rajonit, si dhe pasurimin e politikanëve me afera korruptive, Topalli shkruan se: 'korrupsioni nuk luftohet nga ata qe e kane kthyer ate ne mjetin e pasurimit te tyre e te familjeve te tyre'. E ka me tre liderët: Rama, Basha, Meta!
Në shënimin që ka publikuar në Facebook, Topalli shkruan se vendi ka nevojë për ndryshim dhe lidership të pakorruptuar.
Lexo statusin e Topallit:
'Korrupsioni eshte faktori themelor qe ka varferuar vendin, qe ka zhytur qeverine ne skandale, qe ka thyer besimin tek lidershipi i tre Partive dhe qe ka vrare shpresen.
Lufta kunder korrupsionit eshte kyç per ndaljen e renies se ekonomise, te institucione te vendit e te demokracise. Korrupsioni nuk luftohet nga ata qe e kane kthyer ate ne mjetin e pasurimit te tyre e te familjeve te tyre.
Vendi ka nevoje per ndryshim, per lidership te pakorruptuar.
IT-Organizata nderkombetare e Tansparences (kundra korrupsionit) rendit Shqiperine si nje vend me risk te larte nga korrupsioni. Raporti ne te njejten kohe vë ne dukje se Parlamenti i 4 viteve te fundit nuk ka kryer detyren e tij per te kontrolluar qeverine.
Sipas IT, ne jemi vendi ku:
“Politikanët dhe networket e tyre po kontrollojnë aferat e vendit të tyre për të përfituar nga korrupsioni pa u ndëshkuar.
Te shumte jane shembuj të kapjes së shtetit, kur individë dhe grupe të përdorin korrupsionin për të hartuar politikat, ligjet dhe ekonominë e një vendi vetem per interesat e tyre private. Kjo i lejon të korruptuarit të ruajnë pushtetin e tyre, të pasurohen nga shteti dhe të shmangin dënimin.
Qytetarët e zakonshëm paguajnë për këtë përmes humbjes së jetesës, shërbimeve të dobëta publike, mundësive të kufizuara dhe duke humbur besimin te demokracia pasi shohin që institucionet shteterore u shërbejnë interesave private.
Për më tepër, Transparency International vë në dukje se mbikëqyrja e jashtme mbetet e dobët dhe zbulon se parlamenti nuk arrin të kontrollojë punën e qeverisë rregullisht. Shumica e prokurimeve të mbrojtjes është me burim të vetëm dhe "ekzistojnë rreziqe të konsiderueshme korrupsioni në lidhje me operacionet ushtarake'.
*Tiranapost.al.
