Si iu përgjigj Mirela Kumbaro pyetjes për arrogancën qeverisëse që foli Elisa Spiropali
Wednesday 1 April 2026, 15:42
TiranaPost
Pas mbledhjes së qeverisë, ministrja e Arsimit, Mirela Kumbaro, u pyet lidhur me deklaratat kritike të Elisa Spiropalit ndaj Partisë Socialiste.
Ajo shmangu një përgjigje direkte, duke theksuar se nuk komenton opinion mbi opinion, por preferon të flasë mbi fakte konkrete. Kumbaro nënvizoi se i përket brezit që dikur kërkonte një Shqipëri “si gjithë Europa” dhe sot, sipas saj, vendi është shumë më afër këtij qëllimi.
“Ju më kërkoni të jap opinion mbi opinionet. Unë po ju jap opinion me fakte. Unë i përkas brezit që bëri përmbysjen me sloganin ‘E duam Shqipërinë si gjithë Europa’. Unë kam përgjegjësinë e jashtëzakonshme që t’i përkas brezit që tani është shumë afër dhe ka përgjegjësinë politike për ta çuar Shqipërinë në Europë. Kjo matet pikërisht me një punë që qeveria, prej tre mandatesh e pak e bën në mënyrë të matshme. Sloganet dhe dëshirat nuk mjaftojnë. Kjo matet me centimetra, punë dhe dokumentacione dhe unë sapo ju dhashë provën se një ndër këto dokumentacionet është një nga këto vendime që miratuam sot. Monitorim i matshëm që monitorohet jo vetëm nga organet e shtetit shqiptar që e kanë për detyrë, por çdo akt ligjor apo nënligjor kalojnë së pari në filtrin e Komisionit Europian”, tha Kumbaro.
