English

Rajoni

Populli serb po i bën të gjithë të flasin për ta, për protestat në heshtje, pa dhunë, por me miliona drita

TiranaPost
Sunday 16 March 2025, 16:41 TiranaPost

Populli serb po i bën të gjithë të flasin për ta,

Populli serb po ngre zërin në mënyrën më të fuqishme, në heshtje. Me miliona drita ndezur, qytetarët po protestojnë pa dhunë, duke kërkuar ndryshim dhe drejtësi. Studentët marshojnë me librat e tyre, punëtorët valëvisin flamujt, nënat këndojnë dhe fermerët lënë arat për t’u bashkuar.

Nga Niši dhe Kragujevci, njerëzit udhëtojnë me biçikleta për të qenë pjesë e kësaj lëvizjeje historike. Nga fshatrat e thella e deri në qendër të qyteteve, mijëra serbë mbajnë pankarta me mesazhe si: “Korrupsioni na vret!”, “Studentët do të ndryshojnë botën!” dhe “Liria nuk është një privilegj, por një e drejtë!”.

Nëpër rrugë dëgjohen zëra që thërrasin: “Zgjohu, po ndodh diçka!”, ndërsa simboli i protestës-një dorë e hapur me ngjyrë të kuqe gjaku-valëvitet kudo.

Ditën e djeshme më shumë se 300 mijë qytetarë mbushën rrugët e Beogradit.

×