Gabriel Garko: Jam martuar me Giorgon dy vite më parë
Monday 26 January 2026, 09:23
TiranaPost
I ftuar sot në emisionin Verissimo, Gabriel Garko ka befasuar Silvia Toffanin dhe publikun e Canale 5 me një rrëfim të papritur: ai është martuar dy vite më parë. Pasi tregoi unazën, aktori shpjegoi se kishte zgjedhur heshtjen për të mbrojtur jetën e tij private.
“U martova dy vite më parë. Jeta ime publike ka qenë një fiction, historitë e vërteta i kam mbajtur për vete”, tha ai, duke theksuar se privatësia ka qenë gjithmonë thelbësore për të. Pikërisht për këtë arsye, martesa u organizua larg vëmendjes mediatike, pa lënë asnjë gjurmë.
Dasma ka ndodhur më 2 dhjetor, dy vite më parë, dhe është zhvilluar në një rreth tepër intim: “Ishim vetëm katër persona, nuk ia thashë askujt”. Bashkëshorti i tij quhet Giorgio dhe, siç nënvizoi Garko, të dy janë shumë të rezervuar.
Një rrëfim i sinqertë, i ardhur natyrshëm, që tregon zgjedhjen për ta jetuar dashurinë larg zhurmës mediatike.
