Ndërron jetë në moshën 42-vjeçare vajza e aktorit Martin Short
E Mërkurë 25 Shkurt 2026, 11:23
TiranaPost
Katherine Hartley Short, vajza e madhe e aktorit dhe komedianit të njohur Martin Short, ka ndërruar jetë në moshën 42-vjeçare, duke lënë të tronditur familjen dhe miqtë e saj.
Lajmi u konfirmua më 24 shkurt nga përfaqësuesi i familjes, i cili në një deklaratë zyrtare u shpreh: “Me dhimbje të thellë konfirmojmë ndarjen nga jeta të Katherine Hartley Short. Familja Short është e shkatërruar nga kjo humbje dhe kërkon privatësi në këtë moment të vështirë. Katherine ishte e dashur nga të gjithë dhe do të kujtohet për dritën dhe gëzimin që solli në jetën e të tjerëve.”
Sipas raportimeve të mediave amerikane dhe konfirmimit nga mjeku ligjor në Los Angeles, vdekja është klasifikuar si vetëvrasje. Ajo u gjet pa shenja jete në banesën e saj, ndërsa autoritetet ndërhynë pas një telefonate emergjente.
Katherine Hartley Short ishte një nga tre fëmijët e Martin Short dhe bashkëshortes së tij të ndjerë, Nancy Dolman. Familja nuk ka dhënë detaje të tjera dhe ka kërkuar respektimin e privatësisë gjatë kësaj periudhe të dhimbshme.
