Shakira fiton betejën ligjore me autoritetet spanjolle! Do të dëmshpërblehet me 60 mln euro
Monday 18 May 2026, 15:54
TiranaPost
Këngëtarja Shakira fitoi një gjyq të rëndësishëm në Spanjë për taksat e vitit 2011.
Autoritetet spanjolle e akuzonin se kishte jetuar në Spanjë më shumë se 183 ditë gjatë atij viti dhe për këtë arsye duhej të paguante taksa si rezidente atje. Por gjykata tha se nuk kishte prova të mjaftueshme për këtë.
Sipas gjykatës, Shakira kishte kaluar shumicën e vitit jashtë Spanjës, sepse ishte e angazhuar me koncerte dhe turne ndërkombëtare.
Për këtë arsye: gjykata anuloi gjobat ndaj saj, dhe Spanja mund t’i kthejë mbi 60 milionë euro që përfshijnë pagesa, gjoba dhe interesa.
Shakira deklaroi se nuk ka bërë mashtrim dhe se për vite me radhë është trajtuar padrejtësisht.
Kjo çështje ka të bëjë vetëm me vitin 2011 dhe nuk ndryshon marrëveshjen që ajo bëri në vitin 2023 për probleme të tjera me taksat për vitet 2012-2014, ku pagoi një gjobë për të shmangur burgun.
Vendimi ende mund të ankimohet në Gjykatën Supreme të Spanjës.
