"Miamar", ose vendi më i mirë në Shqipëri për të kaluar pushimet me familjen
Në 'Livadh', pasi kalon një rrugë që nuk e kanë shtruar (çudi sepse një pjesë e mirë janë shndërruar në shëtitore falë projektit të Rilindjes Urbane, këtu jo ende) në fund gjendesh përballë një hoteli që të imponon respekt.
Edhe pse në të vërtetë ka plot raste që nga pamja të gënjejnë syrin në Shqipëri dhe kur vjen puna tek shërbimi i dhomës, i restorantit, i plazhit, të bëjnë me dhimbje koke.
Nuk dihet si është realizuar, por ky vend është një 'Turqi perfekte' në shërbim me një plus detin, që s'e ka kurrë Turqia.
Dhomat janë perfekte. Mëngjesi është ideal dhe me çdo gjë të freskët. Ambienti është i konceptuar për të tri vaktet. Modern me kuzhinën që e sheh tërë kohës.
Nga xhami dallon vajza dhe djem të rinj që bëjnë gati porositë. Lorisi quhet vajza e re që përgatit ëmbëlsirat. Nëse shkoni tek “Miamar” mos rrini pa provuar ëmbëlsirat e saj.
Ndërsa kuzhinieri është italian dhe drekën dhe darkën mund të provosh gurme, sushi nëse do, apo pasta italiane. Çfarë të duash!
Pishina përballë është komode për fëmijët e vegjël, ndërsa poshtë në plazh që është dy minuta me këmbë çadra buzë detit ka rehati tjetër. Ky është një vend i konceptuar për familjarë dhe është i vetmi kaq ideal në të gjithë Shqipërinë.
Nëse mendoni ndryshe na dërgoni komentet tuaja, por vështirë të gjendet dikush që ta kritikojë “Miamar” në Livadh.
Ups, se harruam. Brenda hotelit këtë vit ka palestër dhe SPA, për ata që duan të qëndrojnë formë dhe që duan t'i shijojnë maksimalisht pushimet e tyre.
“Velur SPA” në bashkëpunim me “Miamar” kanë sjellë një SPA ku mund të bësh pedikyr, manikyr, masazh, dhomën e kripës, dushin emocional...
Pushime të mbara!