#Shqipëriajonë ka një plazh ku shoqëri të bëjnë pulëbardhat
E vendose ku do ta bësh plazhin këtë vit?
Nëse ende je në dyshime, një ndjekës i Tiranapost ka dërguar për blogun më të ri #Shqipëriajonë, një sugjerim. Shko tek Pulbardhat.
Ja, shkova po a do shoh pulëbardha aty?
Pooo, mund të shikosh nëse nuk je gjumash dhe nëse zgjohesh shpejt. Ato vijnë vetëm herët në mëngjes dhe pasdite vonë, nëse zgjedh të qëndrosh gjatë. Shkëmbinjtë aty pranë i kanë si vendqëndrim.
Ku ndodhet fiks?
Në Ksamil, në hyrje të tij, në qafën e hartës, krah kepit Merli. Kështu e quajnë vendasit zonën, qafa e hartës.
Çfarë ka tjetër veç pulëbardhave?
Natyralitetin. Dora e njeriut ka qëndruar larg kësaj zone dhe nuk e ka prishur atë që natyra ka krijuar.
Po rruga a ia vlen?
Rruga është hapur nga vetë njerëzit që e menaxhojnë këtë vend dhe zbret lehtësisht deri tek deti pasqyrë.
A ka restorante aty pranë?
Sigurisht që ka. Madje restoranti buzë detit ka marrë emrin e plazhit “Pulbardhat” dhe mban kampion për gatimin e frutave të detit, peshkut në skarë dhe midhjeve guaskë gjithashtu.
*Për rezervime, ky është numri i Bar Restorant Pulbardhat: 069 723 8251
Pushime të mbara!