Brenda vilës së Cara Delevingne që më shumë se shtëpi, është park argëtimi
Thursday 21 May 2026, 11:11
TiranaPost
Nga një vilë e ndërtuar në vitin 1941 për themeluesit e zinxhirit të supermarketeve Vons, në një botë fantazie plot çmenduri kreative.
Kështu është sot shtëpia në Los Angeles e modeles dhe aktores Cara Delevingne, që po bën xhiron e rrjeteve sociale.
Në fëmijëri, mamaja i thoshte: “Nëse thua që je e mërzitur, atëherë je vetë e mërzitshme.” Dhe duket se Cara e ka marrë shumë seriozisht këtë këshillë.
Shtëpia e saj është gjithçka, përveçse normale. Letër muri Gucci me figura lejlekësh, tapet me gjarpër në sallën e bilardos, një leopard që “ngjitet” në shkallë, dhomë pokeri si tendë cirku me një “wheel of fortune” nga Santa Monica Pier, një dhomë kostumesh për festa, dy trampolina pranë pishinës dhe madje edhe një “ball pit” për ditët e këqija.
“Kur kam një ditë të keqe, thjesht hidhem te pishina me topa. Nuk mund të qash aty brenda”, thotë Cara.
Mes detajeve më të pazakonta janë edhe një banjë dedikuar David Bowie, një skulpturë “Chemical X” e krijuar nga mijëra pilula Ecstasy të futura në akrilik, një dërrasë surf-i Chanel dhe një bunker feste në papafingo me tavan pasqyrë, lëkundëse me thekë dhe stripper pole.
Një shtëpi që duket më shumë si park argëtimi për të rritur sesa rezidencë luksoze.
Tiranapost.al
