UEFA refuzon sponsorizimin nga Gazprom. I jep fund partneritetit
E Hënë 28 Shkurt 2022, 19:44
TiranaPost
UEFA ka vendosur t’i japë fund partneritetit të saj me Gazprom për të gjitha garat.
Vendimi hyn në fuqi menjëherë për të gjitha marrëveshjet ekzistuese që përfshijnë Ligën e Kampionëve të UEFA-s, garat e ekipeve kombëtare të UEFA-s dhe UEFA EURO 2024.
Edhe grupi global i kompanive energjetike dhe petrokimike me seli në Londër, Shell tha se planifikon të largohet nga partneriteti i saj me gjigantin shtetëror rus të energjisë Gazprom.
Sipas një deklarate, Shell synon të largohet nga sipërmarrjet e saj të përbashkëta me Gazprom dhe subjektet e lidhura, duke përfshirë 27.5% të aksioneve të saj në objektin e gazit natyror të lëngshëm Sakhalin-II, 50% të aksioneve të saj në Salym Petroleum Development dhe sipërmarrjen energjetike Gydan. Kompania do t’i japw fund edhe përfshirjes sw saj në projektin e gazsjellësit Nord Stream 2.
