Si sot 52 vjet më parë u bë thirrja e parë në një telefon celular
Thursday 3 April 2025, 14:51
TiranaPost
Më 3 Prill 1973, si sot 52 vjet më parë, inxhinieri Martin Cooper nga Motorola bëri histori duke kryer thirrjen e parë me një telefon celular. Duke ecur në një rrugë të Nju Jorkut, ai telefonoi një rival nga Bell Labs për t’i treguar se kishte fituar garën për telefonin e parë portativ.
Atëherë, telefoni peshonte gati 1.1 kg dhe bateria i zgjaste vetëm 30 minuta – por kjo nuk e ndaloi revolucionin e komunikimit. Sot, gjysmë shekulli më vonë, celularët janë bërë pjesë e pandashme e jetës sonë.
Pra, herën tjetër që ankoheni për baterinë e telefonit tuaj që mbaron shpejt, kujtoni se dikur njerëzit mbanin pajisje sa një tullë për të bërë një telefonatë!
