Episodi i ZëmeMirënPodcast me Ronela Hajatin
E Premte 18 Prill 2025, 12:00
Mira Kazhani
Në këtë episod vjen Ronela Hajati, vajza e vetme e gazetarit Marash Hajati, dikur figurë emblematike në RTSH. Ajo e talentuar dhe rebele, por që në këtë episod vjen më nga afër, më e rritur sigurisht.
Ajo flet për vetminë që të sjell ndonjëherë edhe muzika, jeta si këngëtare, jo thjesht të qenit fëmijë i vetëm.
Ajo jeton ende me nënën e saj, edhe pse duket një shpirt i lirë dhe thotë se ka dëshirë të madhe për një familje, por që i duket sikur njerëzit nuk duan më. Kanë frikë t’i dorëzohen dashurisë.
Kështu, folëm me Ronelën për dashurinë, trishtimin, luftën dhe presionin që përballojnë gocat në botën e muzikës. Dhe asnjë nuk është imun nga opinioni i të tjerëve, nga dhimbja dhe paragjykimet. Këtë më bëri të kuptoj Ronela Hajati, të cilën e kam parë gjithmonë si një njeri moskokëçarës, por ja që njerëzit kanë shumë anë dhe ky podcast i ka qejf dritëhijet e personaliteteve të ndryshme që fton.
*Ky podcast i "Zë me Mirën" u mbështet nga Vodafone, Lajthiza, Metropolitan, ABI Bank, Eurosig, TUMO
*E drejta për ripostim ndalohet pa lejen e editorit
Çdo shtrembërim i fakteve online do të ndiqet në rrugë gjyqësore
