Ka njerëz që duket sikur kanë një shqisë të gjashtë. Ata e kuptojnë menjëherë kur diçka nuk shkon, dallojnë lehtësisht qëllimet e të tjerëve dhe shumë rrallë gabojnë kur i besojnë intuitës së tyre. Sipas astrologëve, tre shenja të horoskopit spikasin për intuitën e tyre të jashtëzakonshme.
Akrepi renditet i pari në këtë listë. Të lindurit në këtë shenjë kanë aftësinë të lexojnë njerëzit dhe situatat pa pasur nevojë për shumë shpjegime. Ata e kuptojnë shpejt kur dikush nuk është i sinqertë dhe rrallë mashtrohen. Instinkti i tyre është aq i fortë, sa shpesh dinë diçka përpara se të ndodhë.
Peshqit njihen për ndjeshmërinë dhe lidhjen e fortë me emocionet. Ata përthithin energjinë e njerëzve që i rrethojnë dhe shpesh ndiejnë kur diçka do të ndryshojë. Shumë Peshq pranojnë se intuita i ka ndihmuar të shmangin situata të vështira ose të marrin vendime të rëndësishme.
Gaforrja është shenja e tretë që udhëhiqet fort nga intuita. Edhe pse shpesh veprojnë të udhëhequr nga zemra, Gaforret kanë një aftësi të veçantë për të kuptuar ndjenjat dhe qëllimet e të tjerëve. Ato e ndiejnë menjëherë kur diçka nuk është në rregull dhe rrallë gabojnë kur bëhet fjalë për njerëzit që kanë pranë.
Sigurisht, intuita nuk varet vetëm nga shenja e horoskopit, por astrologët besojnë se këto tre shenja kanë një talent të lindur për të parë përtej asaj që duket në sipërfaqe.
