Blendi Gonxhja: Nuk tërhiqemi nga vendimi për rritjen e patentave
Tuesday 21 March 2023, 13:05
TiranaPost
Pavarësisht vendimit të Autoritetit të Konkurrencës, Drejtori i DPSHTRR, Blendi Gonxhja shprehet se nuk tërhiqen nga vendimi për rritjen e çmimit të patentave.
Në një intervistë për A2 CNN, Gonxhja tha se 100 deri ne 200 euro më shumë janë të domosdoshme për një test të plotë e jo fiktiv.
“Nuk jemi tërhequr, me Autoritet, pa Autoritet ajo do të eci para. Nuk diskutohet që jo vetëm që nuk rrezikon konkurrencën kjo që po bëjmë ne në mënyrë të pariparueshme, por në mënyrë të pariparueshme rrezikohej konkurrenca nga ajo që nuk po bënte autoriteti dhe autoritetet e tjera që nuk kanë punuar në vite për të mbrojtur konkurrencën e ndershme. Nuk mund të ulim kokën në rërë si struci e të themi që jemi të varfër, ndërkohë që ne jemi shumë të pasur, paguam 403 milionë dollarë. Po kur vjen puna nuk duam ta bëjmë 100-200 euro më shumë atë testin e ta bëjmë të plotë, të mos jetë fiktiv. Pra, dua të them që ne nuk i ikim dot kësaj pune. Kjo punë kërkon edukatë, kërkon kulturë”, tha Gonxhja.
