Në periferi të Kievit dhe në periferi të Irpin , ka pasur bombardime të vazhdueshme ruse, por autoritetet thonë se 2,000 njerëz kanë arritur të largohen përmes një ure të improvizuar.
Gjithashtu pranë kryeqytetit, në Hostomel , raportohet se kryebashkiaku Yuri Prylypko u qëllua për vdekje teksa shpërndante bukë dhe ilaçe.
Ndërkohë në jug, qyteti i Mykolaiv është vënë nën sulm. Ukraina thotë se artileria goditi zonat e banuara gjatë natës në qytet, i cili ndodhet midis Krimesë së aneksuar nga Rusia dhe qytetit port të Odesës.
Mijëra civilë mbeten të bllokuar në qytetin e madh port të Mariupolit pa energji elektrike ushqim dhe ujë. Një familje që u arratis i tha agjencisë së lajmeve AFP se kishin parë "trupa kudo". Kontrolli i Mariupolit do t'i jepte Rusisë një korridor tokësor midis Krimesë dhe rajoneve të Luhanskut dhe Donetskut të mbështetur nga Rusia.
Tiranapost.al
