Mediat italiane: Alketa Vejsiu rikthehet në Sanremo, por me një rol të ri
E Shtunë 12 Shtator 2020, 21:21
TiranaPost
Pas suksesit të këtij viti, Alketa Vejsiu do të rikthehet në Sanremo. Mediat italiane e kanë shpërndarë menjëherë lajmin dhe është e konfirmuar.
“Sanremo 2021, me Amadeus një prezantuese e njohur tashmë”, “Prezantuesja shqiptare rikthehet në Sanremo”, “Sanremo 2021, ja cila prezantuese do ngjitet sërish në pallatin Ariston”, këto janë vetëm disa nga titujt e orëve të fundit në Itali.
Ngado shkruhet për prezantuesen shqiptare, tashmë të njohur ndërkombëtarisht, që do të jetë sërish pjesë e festivalit të madh muzikor.
Ndryshimi do të jetë që në edicionin e 71, që do të mbahet nga 2 deri në 6 mars të 2021-shit, Alketa do të ketë një rol të ri. Është ende mister se cili do të jetë funksioni i saj i ri, por deri marsin që vjen ka kohë.
