Gaz Paja reagon pas sulmit: Jam po aq shqiptar sa ju. Politika përfundon te familja
Wednesday 1 July 2026, 19:34
TiranaPost
Gaz Paja ka reaguar për herë të parë pas sulmit me vezë nga protestuesit, duke publikuar një mesazh të gjatë në rrjetet sociale. Aktori shprehet se ajo që e ka lënduar më shumë nuk ishte sulmi ndaj tij, por fakti që gjithçka ndodhi para syve të bashkëshortes së tij.
Reagimi: Une jam po aq Shqiptar sa Ju. Dhe po si ju, lendohem ne palce kur dikush me prek familjen. Nuk më dhembin vezët. Jam mesuar me sharjet, edhe pse nuk i meritoj. (Po ky Eshte opinioni im.) Ama Më dhembi fakti që gjithçka ndodhi përpara syve të gruas sime, nenes se femijes tone. Më dhembi që edhe ajo u bë objekt sulmi, jo për atë që është, jo për atë që ka bërë, por vetëm sepse ecën në krahun tim. KA NJE VIJE QE NUK DUHET KALUAR KURRE POLITIKA MBARON ATY KU FILLON FAMILJA. Kam zgjedhur të hesht këto ditë. Jo nga frika. Jo sepse kam diçka për të fshehur. Kam heshtur sepse gjithmonë kam besuar se njerëzit vlejnë më shumë se bindjet politike dhe se miqësia është më e fortë se çdo flamur partie. Por kur sulmohet dinjiteti im dhe i familjes sime, heshtja nuk është më virtyt. Po, unë mbështes Partinë Socialiste. E kam bërë dhe vazhdoj ta bëj, sepse bindjet e mia janë të majta. Është zgjedhja ime dhe e drejta ime. Por kjo nuk do të thotë se jam dakord me çdo vendim apo me çdo individ. Kam kritikuar kur kam menduar se duhej kritikuar dhe kam mbështetur atë që kam besuar se ishte e drejtë. Asnjëherë nuk kam qenë pjesë e strukturave politike Madje Nuk Kam as teser Partie. Nuk kam marrë poste, nuk kam marrë privilegje, nuk kam marrë tendera dhe nuk kam jetuar kurrë në kurriz të shtetit. Kam punuar qe femije. Nuk kam vila në bregdet. Nuk kam vila në mal. Nuk kam prona të fshehura. Nuk kam pasuri që nuk i shpjegoj dot. Kam vetëm duart e mia, djersën time artin tim dhe ndërgjegjen time. Sa per çështjen e investimit strategjik është folur shumë. E vërteta është e thjeshtë: kam qenë vetëm ndërmjetës mes investitorit dhe pronarëve të tokës, të cilët janë miqtë e mi personalë. Si rrjedhoj u bera pjese e kompanise e cila do te investonte. As kam marrë prona, as favore, as përfitime.
