Moldavia frikësohet se mund të jetë objektivi i ardhshëm i Putinit
E Diel 6 Mars 2022, 16:00
TiranaPost
A mund të jetë Moldavia e radhës në planet e Putinit? Udhëheqësit frikësohen se mund të jenë në shënjestër nga Kremlini.
Sekretari amerikan Antony Blinken u takua me dy gratë që drejtojnë këtë vend: Kryeministren Natalia Gavrilita dhe Presidenten Maia Sandu. Ai është sekretari i tretë i shtetit i SHBA që viziton Moldavinë.
Sipas BBC u dëgjuan të njëjtat fraza nga Sekretari Blinken për unitetin, por moldavët duan siguri të fortë për sigurinë e tyre. Javën e kaluar, disa ditë pas pushtimit të Rusisë, ata aplikuan për anëtarësim në BE.
Nuk ka asnjë provë konkrete për të konfirmuar frikën moldave, përveç historisë dekada të vjetër: 128 km (80 milje) në lindje të kryeqytetit, në kufi me Ukrainën, është Transnistria, një rajon i mbështetur nga Rusia që u shkëput nga Moldavia në vitin 1990. Moska ka ende një bazë ushtarake atje me rreth 1500 ushtarë.
Blinken jep një përgjigje të shkurtër e të paqartë kur pyetet se cilat janë siguritë e tij: "Ju e keni parë përgjigjen globale, që ne jemi mobilizuar kundër agresionit të Rusisë, kurdo dhe kudo që mund të shfaqet ai agresion, ne do të bëjmë të njëjtën gjë."
Ai tha gjithashtu se do të kërkonte fonde për të ndihmuar Moldavinë të kujdeset për refugjatët ukrainas që ka pranuar. Vendi po përpiqet ta përballojë, por Moldavia është një nga vendet më të varfra dhe më të vogla në Evropë.
