Të famshmit që vuajnë nga Vitiligo (zbardhja e lëkurës), mes tyre një shqiptar
E Hënë 5 Tetor 2020, 12:23
TiranaPost
Vitiligos mbase s`ia di fiks emrin, por nëse themi zbardhje e lëkurës e kupton për çfarë është fjala. Edhe në Tiranapost, Dr Silva Mishtaku ka shkruar shpesh për këtë sëmundje.
Disa personazhe të famshëm e kanë pranuar në intervista, të tjerë e kanë pasur të pamundur ta mbulojnë.
Michael Jackson për shembull e ndryshoi ngjyrën e lëkurës pikërisht prej sëmundjes. Dalëngadalë do të bëhej me njolla të bardha.
Mes gjithë të famshmëve më poshtë qëndron edhe Ledri Vula. Ka disa kohë që vuan nga kjo sëmundje dhe foto është nga Baby Shower i fundjavës.
Kengetarja TAMAR BRAXTON
Aktorja THOMAS LENNON
Komediani STEVE MARTIN
Aktori dhe regjisori JOHN HAMM
Aktorja HOLLY MARIE COMBS
Sportisti KARL DUNBAR
Modelja WINNIE HARLOW
Dy fjalë për Vitiligon
Vitiligo është sëmundje dermatologjike që shfaqet me njolla të bardha ose me ngjyrë më të celët se lëkura normale. Njollat e bardha shkaktohen nga pakësimi i melanociteve (qelizave të lëkurës që prodhojnë pigmentin e saj).
Shumë studime e lidhin Vitiligon me sëmundje të tjera autoimune të tiroides, mbiveshkores, lëkurës (lupusi eritematoz) apo sistemit endokrinologjik (diabeti), ndaj në një pacient të diagnostikuar me vitiligo duhen kryer ekzaminime për të përjashtuar ose vërtetuar prezencën e tyre.
Vitiligo është sëmundje e trashëgueshme që në rreth 50% të pacientëve shfaqet para moshës 20 vjeç; në fytyrë-me depigmentim përreth syve dhe buzëve, pjesën e brendshme të brrylave dhe gjunjëve, sqetulla, organe gjenital etj, në mënyrë simetrike (psh në të dy gjunjtë, në të dy sytë, etj), me vatra të vogla, me kufi të qartë nga lëkura normale, të cilat kanë tendencë të zmadhohen, të shtohen e të bashkohen me njëra tjetrën. Në rreth 30% të rasteve njollat përmirësohen në mënyrë spontane, por me kalimin e kohës mund të rishfaqen.
*Burimi Ranker.com
