Ndërron jetë ministri i fundit i Mbrojtjes në komunizëm
E Enjte 24 Janar 2019, 09:23
TiranaPost
Ka ndërruar jetë Kiço Mustaqi, ministri i fundit i Mbrojtjes në regjimin komunist. Ai ka qenë gjeneral dhe Shef i Shtabit të Përgjithshëm të Forcave të Armatosura Shqiptare. I lindur në vitin 1938, Mustaqi ka pasur një karrierë të gjatë ushtarake në Shqipërinë komuniste.
Në vitin 1974, Mustaqi u zgjodh për herë të parë si përfaqësues në Kuvendi Popullor si pjesë e mandatit të tetë ligjor deri në legjislaturën e 12-të në vitin 1992. Në vitin 1990 u bë anëtar i Byrosë Politike. Më 9 korrik 1990, ai u bë pasardhësi i Prokop Murrës si Ministër i Mbrojtjes në qeverinë e Kryeministrit Adil Çarçani. Mbajti këtë pozicion deri më 22 shkurt 1991, por u zgjodh përsëri në qeveritë e njëpasnjëshme të Fatos Nanos deri më 12 maj 1991.
Pas rënies së komunizmit, emigroi në Greqi bashkë me familjen. Në qershor të vitit 1996, u akuzua për nxitje të një grushti shteti ushtarak në Akademinë Ushtarake të Tiranës më 22 shkurt 1991 si edhe për korrupsion dhe spiunazh në emër të Greqisë. U dënua me pesë vite burg, por që nuk e kreu asnjëherë./Tiranapost.al
[caption id="attachment_326937" align="aligncenter" width="454"]
Kiço Mustaqi[/caption]
