Është zyrtare. Gerard Deulofeu është transferuar tek Watford, në Premier League. Njoftimi është bërë këtë paradite nga Barcelona, përmes një deklarate të shoqëruar nga një foto, në të cilën falënderohet sulmuesi.
Barcelona e transferoi Deulofeu te ky klub anglez për shumën e 13 milionë eurove, plus 4 milionë të tjera në formë variablash. Përveç kësaj, katalanasit raportojnë se kanë mbajtur një përqindje ekonomike në operacionet e ardhshme të transferimit të lojtarit në klube të tjera.
Kështu, fillon operacioni i largimeve në ekipin e parë Blaugrana, në të cilin ka ende shumë të panevojshëm. Por Deulofeu ishte një prioritet, sepse nuk hynte në planet e trajnerit Ernesto Valverde, siç ishte dukshëm sezonin e kaluar, kur Deulofeu u huazua në Angli.
Përfundojnë, në këtë mënyrë, marrëdhëniet kontraktuale të Gerard Deulofeu me Barcelonën. /XH.K
