E kuqe dhe Gold: Si të kombinoni ngjyrat e veshjeve për festat e fundvitit
Sunday 12 December 2021, 18:42
TiranaPost
Koha më festive e vitit po afron: mes Krishtlindjeve dhe Vitit të Ri, do ta gjeni veten të pushtuar nga ftesat për darka dhe dreka.
Për çdo rast do t'ju duhet një pamje që i shkon secilës festë, por idealja do të ishte nëse veshjet respektojnë ngjyrat e festave, pra e kuqja dhe ngjyra e artë, dy ngjyra që thërrasin menjëherë “Gëzuar Krishtlindjet dhe Gëzuar Vitin e Ri”.
Megjithatë, kur vishni këto ngjyra, është e rëndësishme të mos e teproni. Prandaj ju rekomandojmë që të zgjidhni pamje të thjesht pa e ekzagjeruar me aksesorët dhe grimin e rëndë.
Më poshtë do të gjeni shumë sugjerime se si t'i kombinoni dhe vishni këto ngjyra, për shembull kombinimi i një bluze ari të ndezur me një palë pantallona bazë ose pulovra të thjeshta të kombinuara me një fund lëkure ngjyrë ari.
Të mos harrojmë aksesorët!
Këto ngjyra në fakt nuk kanë të bëjnë vetëm me veshjet që zgjedhim, por edhe me aksesorët. Për shembull, përdorimi i këpucëve bie shumë në sy dhe rekomandohen këpucë të tilla si, një palë çizme të kuqe deri në gju, ideale për të dhënë atë kontaktin e festave. Në rast se veshja juaj përfshin xhaketë dhe pantallona ari, është më mirë të zgjidhni një dekolte të thjeshtë të zezë
Megjithatë, jo të gjitha rastet festive kërkojnë një pamje tepër elegante dhe të sofistikuar. Shpesh, në fakt, ndodh që ditët e festës të kalohen me miqtë dhe të afërmit në ngrohtësinë e shtëpisë.
Në rrethana të tilla mund të zgjidhni një pamje më casual, si pulovra të gjera të kombinuara me funde të thjeshta, në ngjyrë ari ose të kuqe; duke u kombinuar në mënyrë të përkryer me komoditetin, kur qëndroni në shtëpi.
Tiranapost.al
