20 vjet pa të! Donatella Versaçe tregon si vëllai i dha pushtetin dhe e ktheu në ikonë mode
Saturday 26 May 2018, 12:22
TiranaPost
Donatella Versace, 63 vjeç e lindur në Itali, është një nga figurat më të njohura të industrisë së modës. Fansat e saj dhe shumë personalitete të njohur të modës e quajnë një ikonë, një titull që e meritoi edhe me çmimin dhe vlerësimin e madh që mori në London Show në fund të vitit të kaluar. Ky moment mbylli një vit të suksesshëm për Donatella-n, e cila gjithmonë falënderon mbështetësit e saj, më së shumti në një moment të veçantë për të, në përvjetorin e vdekjes së vëllait të saj, themeluesit të markës Gianni Versaçe.
Donatella me vëllanë Gianni Versaçe.
Në muajin shtator, në javën e modës që mbajti në Milano për koleksionin Pranverë verë- 2018, përkoi me 20 vjet të Donatella-s pa vëllanë e saj, i cili u vra në vitin 1997. Fashion Show bashkoi ikonat e modelingut si Cindy Craword, Naomi Campbell, Claudia Schiffer, Helena Christensen dhe Carla Bruni, të cilat dolën në pasarelë krahë për krahu, në tingujt e këngës Freedom të George Michael.
Figura e saj bëhet akoma më e gjallë për syrin e publikut sidomos me filmin e Ryan Myrphy, American Crime Story; Gianni Versace assasination”, një film në të cilin Penelope Cruz luan rolin e Donatella-s.
Në një intervistë të dhënë vjet për The Times, Donatella ka treguar lidhjen e fortë me vëllanë e saj, për të cilin thotë: "Ai më bëri të fuqishme, të pushtetshme, më mësoi shumë, e kisha pranë gjithë kohën, deri ditën kur më la...më mungon shumë".
Kontributi i saj në industrinë e modës bën që të ketë ndikim edhe në fusha të tjera. Me fustanin që projektoi në vitin 2000 për jennifer Lopez i la të gjithë me gojë hapur, aq sa doli shprehja: Fustani i Jennifer Lopez është arsyeja që Google Image ekziston.. Tiranapost.al E.B
Zyra e saj në Milano
http://www.tiranapost.al/lidhja-mafien-e-kalabrise-pellumbi-dhe-prostituta-mashkull-qe-e-qelloi-vrasja-e-ikones-se-modes-gianni-versace-ende-mister/
https://youtu.be/IiTWV8NRjSs
