Neomalësorja sfidon PS-në: Shpërndani parlamentin dhe shkojmë në zgjedhje
Tuesday 16 June 2026, 13:51
TiranaPost
Marjana Koçeku u është përgjigjur socialistëve pas kërkesave që të dorëzojë mandatin meqë zgjodhi që të ishte deputete e pavarur. Në një postim në rrjetet sociale, Koçeku ka sfiduar mazhorancën dhe kryeministrin Edi Rama që nëse është i bindur për mbështetjen politike të shpërndajë Parlamentin dhe të shkojë në zgjedhje të parakohshme.
Postimi i Plotë:
Nuk ua kam marrë mandatin e deputetit. Ma keni marrë ju mue, për 10 muej rresht. Tash mandati ka ardhë në vend të vet. Nëse jeni kaq të sigurt që unë nuk fitoj pa ju dhe ju i keni plot 83 mandate, atëherë shpërndajeni parlamentin, shkojmë në zgjedhje të parakohshme dhe masim forcat se kush fiton çka. Kësaj radhe do marr me vete kecin tim të shtrenjtë, bashkë me kmesën e mprehtë, dhe do zbres me kandidue në Tiranë. Para se të vij, ndoshta iu marr leje malësorëve të mi me e folë gjuhën standarde.
