Arjan Curri përplaset me gazetaren: E ke sëmundje profesionale. E keni bërë Shqipërinë banda-banda, nuk është çdo vrasje mafioze
Tuesday 18 May 2021, 23:21
TiranaPost
Analisti Arjan Curri dhe gazetarja e kronikës, Klodiana Lala janë përplasur në studion e emisionit "Open" në lidhje me ekzekutimin e 32-vjeçarit Endri Mustafa.
Sipas Lalës, ngjarja ka qenë një akt mafioz, i kryer nga grupet e organizuara kriminale. Por, Curri e ka kundërshtuar duke thënë se ideja e vrasjeve mafioze është bërë një "sëmundje profesionale" dhe jo çdo vrasje është e lidhur drejtpërdrejt me mafien dhe ky lloj raportimi krijon imazhin e gabuar se në vendin tonë ka vetëm banda.
Pjesë nga biseda:
Arjan Curri - Klodiana Lalës: Ti e ke sëmundje profesionale, të duken të gjithë kriminelë dhe banda e mafie. Edhe mua më duket sikur të gjithë studentët kopjojnë, por nuk është kështu. Ju e keni bërë Shqipërinë vetëm banda, banda. Unë jap kriminologji në auditorë, e njoh mirë. S’mund të thoni që për çdo vrasje ajo është mafioze.
Lala: Ish ministri Xhafaj ka thënë se ka grupe kriminale. Personat që nuk kanë bërë një rrëmbim klasik që e kanë marrë dhe dhunuar dhe mendohet se kanë munduar të nxjerrin detaje.
Curri: Mund të kenë qenë banda rivale, por kjo se bën mafioze. E di cfarë është organizatë, grup i strukturuar dhe bandë.
tiranapost.al
