Franca sekuestron vilën luksoze të Abramovich
Wednesday 13 April 2022, 17:05
TiranaPost
Tjetër goditje për Pronarin e Chelsea-s! Autoritetet franceze kanë sekuestruar vilën e Roman Abramovich që ndodhet në jug të Francës.
Prona luksoze i përkiste më parë Dukës dhe Dukeshës së Windsor.
Château de la Crow ndodhet në një nga pjesët më prestigjioze të Rivierës Franceze, Cap d’Antibes dhe agjentët lokalë të pasurive e vlerësojnë me rreth 90 milionë paund.
E ndërtuar në vitin 1926, vila luksoze ka dhjetëra dhoma gjumi, tetë tualete dhe ka një sipërfaqe mbi 12 hektarësh, përfshirë një pyll e lëndina vetëm disa metra nga deti Mesdhe.
Abramovich bleu Château në 2001 dhe shpenzoi rreth 30 milionë paund për restaurimin e saj.
Tiranapost.al
