Ermonela Jaho fiton çmimin 'Artistja e Vitit' nga Çmimet Ndërkombëtare të Muzikës Klasike
E Mërkurë 18 Janar 2023, 16:19
TiranaPost
Sopranoja shqiptare me famë botërore, Ermonela Jaho është shpallur “Artistja e Vitit” nga Çmimet Ndërkombëtare të Muzikës Klasike 2023(ICMA).
“Me bukurinë unike të zërit të saj të lavdishëm, të sigurt dhe shkëlqyeshëm, Ermonela Jaho magjeps me estetikën e saj të pastër vokale. Por kjo është vetëm njëra anë e artit të madh të këngëtares, tjetra është prania e saj teatrale elektrizuese. Pak këngëtarë arrijnë një shkallë kaq të lartë identifikimi me rolet e tyre, një vërtetësi kaq totale dhe një emocion thellësisht prekës. Pasi del në skenë, Ermonela Jaho hedh si një mantel personalitetin e saj dhe mishëron plotësisht personazhin që duhet të interpretojë”, thuhet në njoftimin e ICMA në faqen zyrtare.
