Veliaj zbulon miqësinë e hershme me gjyqtaren e parë shqiptare në NYC, Edit Shkrelin
E Hënë 11 Dhjetor 2023, 10:40
TiranaPost
Gjyqtarja e parë shqiptare në NYC, Edit Shkreli ka qenë lajm kryesor edhe për shqiponjën që u bë gjatë betimit të saj në Amerikë. Gjatë betimit në Gjykatën amerikanë ajo kishte vendosur pranë e praën edhe flamurin e Shqipërisë dhe të Kosovës.
Në një status të postuar pak minuta më parë, Erion Veliaj zbulon miqësinë e hershme me Edit Shkrelin. Ai tregon pak nga historia e saj si emigrante që në moshën 13-vjeçare, humbjen e babait dhe se si ia doli që sot të jetë në majën e karrierës.
"I lumtur që shoh motrën time të vogël, Edit Shkreli, të zgjidhet si gjyqtarja e parë shqiptaro-amerikane në Nju Jork, por edhe si më e reja në moshë. 🇦🇱🇺🇸
Historia e saj si një emigrante 13-vjeçare, e cila e nisi çdo gjë nga zero, pas humbjes së babait - duke luftuar, studiuar dhe duke u përpjekur fort - është historia e një Hirusheje të kohës sonë. 👑
Ky nuk është vetëm shekulli më i mirë i shqiptarëve 🇦🇱 deri më sot, por mbi të gjitha është shekulli i grave të mrekullueshme shqiptare 🇦🇱 si Editi, Mira Murati dhe Ermonela Jaho - e shumë gra të tjera, që frymëzohen prej tyre! FORCA!", shkruan Veliaj.
