Fotoja më e komentuar e finales së Botërorit: Takimi mes Pedro Sánchez dhe Donald Trump
Monday 20 July 2026, 10:18
TiranaPost
Një nga momentet më të komentuara të finales së Kupës së Botës 2026 ishte përshëndetja mes presidentit të Spanjës, Pedro Sánchez, dhe presidentit amerikan Donald Trump në tribunën zyrtare të stadiumit "MetLife" në New Jersey.
Sánchez, i cili deri në ditët e fundit kishte lënë të paqartë pjesëmarrjen e tij, konfirmoi të premten se do të ishte i pranishëm në finale. Takimi me Trump tërhoqi menjëherë vëmendjen, pasi dy liderët kanë pasur më herët përplasje politike dhe shkëmbime kritikash, veçanërisht për çështje që lidhen me tregtinë, tarifat doganore dhe politikat ndërkombëtare.
Në momentin e përshëndetjes ishin të pranishëm edhe Mbreti Felipe VI, Mbretëresha Letizia e Spanjës, si dhe presidenti i FIFA-s, Gianni Infantino.
Pikërisht për shkak të marrëdhënieve të tensionuara mes Sánchez dhe Trump, fotografia e përshëndetjes së tyre u kthye në një nga imazhet më të komentuara të finales së Botërorit.
