Të gjithë burrat që ngjajnë me Adam Sandler janë mbledhur në një grup
Thursday 16 July 2026, 16:49
TiranaPost
Në internet ekziston një grup që po argëton mijëra përdorues nga e gjithë bota, ku anëtarët kanë një gjë të përbashkët: të gjithë i ngatërrojnë vazhdimisht me aktorin e njohur Adam Sandler.
Në grup, njerëz krejtësisht të panjohur ndajnë fotografi dhe histori nga përditshmëria e tyre, duke treguar se shpesh ndalohen në rrugë nga persona që janë të bindur se sapo kanë takuar yllin e Hollywood-it. Mes tyre ka baballarë, mjekë, tifozë në stadiume dhe njerëz të profesioneve të ndryshme, të cilët nuk kanë asnjë lidhje gjaku me Sandler, por i ngjajnë jashtëzakonisht shumë.
Madje, shumë prej "kopjeve" të tij vishen me të njëjtin stil të thjeshtë e sportiv që e ka bërë aktorin kaq të dallueshëm.
Grupi u bë viral disa kohë më parë dhe sot numëron qindra mijëra anëtarë, të cilët vazhdojnë të publikojnë fotografi të sozive të Sandler. Kjo ka bërë që shumë përdorues të bëjnë shaka se, nëse thuhet se çdo njeri ka shtatë sozi në botë, Adam Sandler duhet të ketë me mijëra.
